MISIONI U ARRIT – KONGRESI HISTORIK I KIRURGËVE SHQIPTARË 

U bë një javë nga përmbyllja mbresëlënëse e Kongresit të Parë Klinik të Kirurgëve Shqiptarë, që u mbajtë nga 25–28 Shtator 2025.
Një kapitull i ri në historinë e kirurgjisë shqiptare u shkrua me shkronja të arta në Prishtinë.
Mbi 1000 pjesëmarrës nga rajoni dhe bota, me 219 ligjërues dhe 317 prezantime shkencore, u bashkuan në një ngjarje madhështore e të papërjetuar më herët, ku dijenia, profesionalizmi dhe përkushtimi morën formën më të bukur të tyre.
🔹 78 ligjërues ndërkombëtarë me 138 prezantime
🔹 141 ligjërues nga Kosova, Shqipëria dhe Maqedonia e Veriut me 179 prezantime
🔹 Simpoziume, punëtori, dhe kurse praktike që sollën standardin më të lartë shkencor të deritanishëm.
________________________________________
Ceremonia e Hapjes
– Në një atmosferë solemniteti e krenarie u bë transferi i pozitës së Kryetarit të KKK-së nga Prof. Rifat Latifi tek Dr. Osman Zhuri.
– U nënshkrua Memorandumi i Bashkëpunimit mes KKK-së dhe Universitetit të Prishtinës.

U ndanë çmimet:
“ Për Arritje Jetësore – Prof. Dr. Sami Haxhibeqiri” për:
– Musa Miftari – Kosovë
– Mehdi Agolli – Shqipëri
– Sali Qerimi – Maqedoni e Veriut
“Për Partneritet të Shkëlqyer” për Universitetin e Prishtinës, Universitetin e Gracit – Austri, Drejtorinë e Shëndetësisë/Komuna e Prishtinës, dhe Qendrën Kombëtare të Telemjekësisë së Kosovës.
U shpallën gjithashtu 22 Anëtarë Nderi të ri të Kolegjit të Kirurgëve të Kosovës.
________________________________________
Mbrëmja Gala & Dhënia e Ҫmimeve
Një mbrëmje e paharrueshme që nderoi kontributin, lidershipin dhe pasionin për kirurgjinë.

“ҪMIMI I KRYETARIT THEMELUES / PRESIDENT EMERITUS” – për Prof. Dr. Rifat Latifi
“Udhëheqja përmes Shembullit” – Naser Salihu, Mentor Gorani, Kushtrim Shala, Alberto Ferreres, dhe Russell Andrews
“Çmimi për Vullnetarizëm” – Melissa Misialek dhe Enej Gasevic
“Specializant/e i/e Dalluar – Prof. Dr. Preveza Abrashi” për: Shkëndije Hashani, Selman Maxhuni, dhe Ardit Nela
 Mirënjohje për Anëtarët e Dalluar të KKK – Hysni Jashari, Lulzim Vokrri, Remzi Gashi, Dugagjin Spanca, Korab Berisha, dhe Ylber Zejnullahu
Ҫmimi “Publikimi dhe Inovacioni i Vitit” – për Prof. Dr. Rifat Latifi, për librin “Surgical Decision-Making, Evidence and Beyond”

Çmimet për prezantimet më të mira gjatë kongresit:
• Podium Prezantimi më i mirë – Vjosa Zejnullahu
• Quick Shot Prezantimi më i mirë – Elma Bregaj
• Poster Prezantimi më i mirë – Dëfrim Koçinaj
• Video Prezantimi më i mirë – Remzi Gashi
• Ligjërata më e mirë mbi Lidershipin – Sharique Nazir
• Ligjërata më e mirë e emërtuar – Ruben Peralta

Ky kongres ishte bashkorganizim nga:
– Kolegji i Kirurgëve të Kosovës
– Departamenti i Kirurgjisë – Universiteti i Mjekësisë, Tiranë
– Shoqata e Mjekëve Shqiptarë të Maqedonisë së Veriut
– Lidhja e Mjekëve Shqiptarë në Zvicër
– Shoqata e ORL-së dhe Kirurgjisë Kokë-Qafë e Kosovës dhe Shoqata Shqiptare e ORL-së

Falënderim të përzemërt për të gjithë pjesemarrësit, dhe një falënderim i veçantë për Sponzorin Platinum, si dhe të gjithë bashkëpunëtorët dhe mbështetësit që bënë të mundur ngjarjen më të madhe dhe historike të kirurgjisë shqiptare të mbajtur deri më sot.
Për të gjitha këto dhe më shumë informacione në detaje, na përcjellni gjatë ditëve dhe javëve në vijim.