Prof. Dr. Luan Jaha lindi më 24 tetor 1967 në Prizren, Republika e Kosovës. Ai është Kirurg Vaskular dhe Profesor me një karrierë të gjatë dhe të dalluar në fushën e mjekësisë dhe arsimit të lartë. Nacionaliteti i tij është shqiptar dhe është shtetas i Republikës së Kosovës. Luan Jaha aktualisht banon në Prishtinë.
Luan Jaha përfundoi studimet e tij të para në Fakultetin e Mjekësisë në Universitetin e Zagrebit, Republika e Kroacisë, ku diplomoi si Doktor i Mjekësisë në vitin 1992. Më pas, në vitin 2006, ai përfundoi studimet e masterit në Shkencat Mjekësore në Fakultetin e Mjekësisë, Universiteti i Prishtinës, Republika e Kosovës. Në vitin 2013, ai fitoi titullin Doktor i Shkencave Mjekësore nga Fakulteti i Mjekësisë në Universitetin “Kiril i Metodije” në Shkup, Republika e Maqedonisë së Veriut.
Në vitin 2020, Luan Jaha u emërua Profesor Asistent i Kirurgjisë dhe Infermierisë Kirurgjikale në Fakultetin e Infermierisë, Kolegji Universitar AAB në Prishtinë, Republika e Kosovës.
Prof. Dr. Luan Jaha është Autor dhe bashkëautor i shumë punimeve dhe hulumtimeve shkencore.