VENDIME TË RËNDËSISHME NGA MBLEDHJA E BORDIT TË PËRFAQËSUESVE TË KOLEGJIT TË KIRURGËVE TË KOSOVËS

17 Dhjetor 2024

Shënimit të 6 vjetorit i parapriu mbledhja e fundit për sivjet e Bordit të Përfaqësuesve të Kolegjit të Kirurgëve të Kosovës.

---

Gjatë këtij takimi u morën një numër vendimesh tejet të rëndësishme për konsolidimin e mëtutjeshëm strukturor dhe organizativ të Kolegjit, si dhe për nisjen e implementimit të disa prej objektivave kryesore të tij.

Kësisoj, me miratimin nga të gjithë anëtarët e pranishëm, Bordi i Përfaqësuesve i Kolegjit të Kirurgëve të Kosovës vendosi për:

1. Shënimin e 17 Dhjetorit si Dita e Themelimit të Kolegjit të Kirurgëve të Kosovës.

2. Krijimin e Qendrës së Kolegjit të Kirurgëve të Kosovës.

3. Miratimi i emërimit të Kryetarit Themelues të KKK, Kryetarit Pasues të Zgjedhur, Sekretarit, Zyrtarit të Thesarit (me efekt nga Kongresi i V-të Klinik, Shtator 2025). Kësisoj, Kryetar Themelues: Prof. Dr. Rifat Latifi, Kryetar i KKK: Dr. Osman Zhuri, Kryetar Pasues i Zgjedhur: Dr. Violeta Zatriqi; Sekretar: Dr. Luan Jaha, Zyrtar i Thesarit: Dr. Eqrem Shala;

4. Rizgjedhjen e Dr. Sadik Llullaku si Drejtor Ekzekutiv për një mandat tjetër.

5. Zgjedhjen e Dr. Bedri Braha si Nënkryetar të Bordit nga fusha e Kirurgjisë së Përgjithshme/Abdominale.

6. Përfshirjen e përfaqësuesit të Kosova Journal of Surgery, Prof. Dr. Luan Jaha, në Komitetin Ekzekutiv të KKK-së.

7. Miratimin e statuteve të Degëve të Kolegjit për Evropë dhe SHBA.

8. Zyrtarizimin e kursit ATLS Kosova si program i ofruar nga Kolegji i Kirurgëve të Kosovës, në kuadër të Komitetit për Traumë.

9. Mbajtjen e kursit për kërkime shkencore në bashkëpunim me Kosova Journal of Surgery.

10. Mënyrat e financimit të Kolegjit dhe ngritjes së fondeve.

11. Planifikimin dhe organizimin e konferencave, kongreseve dhe aktiviteteve tjera.

12. Miratimin e Deklaratës për Diversitet, Barazi dhe Përfshirje.

Për të gjitha këto vendime të rëndësishme do të ndajmë më shumë detaje me kohë.

Falënderojmë përzemërsisht të gjithë anëtarët e Bordit për pjesëmarrjen dhe kontributin e tyre konkret.