Buletini i Kolegjit të Kirurgëve të Kosovës, Volumi 1, Numri 1

6 Qershor, 2022
Buletini – Një Hap i Vogël por Një e Ardhme e Sigurtë
Kemi kënaqësinë të ju njoftojmë që sapo kemi publikuar numrin e parë të Buletinit të Kolegjit të Kirurgëve të Kosovës, i cili tani e tutje do të jetë botim i rregullt periodik.
Buletini i Kolegjit të Kirurgëve të Kosovës do të jetë dritare informuese për të gjithë ata të interesuar në zhvillimet dhe më të rejat nga kirurgjia kosovare dhe ndërkombëtare. Kësisoj, Buletini ka për mision të raportojë mbi të gjitha aktivitetet profesionale të kirurgëve të Kosovës, duke përfshirë ata që punojnë në spitalet akademike dhe publike, institucionet shëndetësore dhe sektorin privat.
Për më tepër, Buletini do të shërbejë si platformë për kirurgët që praktikojnë në kohë aktive, kirurgët në pension, studentët e mjekësisë, duke u kthyer në një urë lidhëse mes kirugëve.
Buletini do të jetë i hapur për të gjithë ata që duan të shkruajnë artikuj, ese dhe opinione. Ky është edhe një hap që Kolegji i Kirurgëve të Kosovëse ka ndëmarrë në përfshirjen e të gjithë kirurgëve të Kosovës në një të ardhme të re dhe për një rrugë që do të na bashkojë me kirurgët e botës.
Vëllimi 1, Numri 1 i Buletinit, ndër të tjera përfshin letrën e Kryetarit të Kolegjit të Kirurgëve të Kosovës, historikun e Kolegjit dhe aktivitetet që janë mbajtur dhe do të mbahen në këtë vit, publikimet e anëtarëve të Kolegjit, historikun e disa shoqatave kirurgjike të Kosovës dhe materialet rreth dy kirurgëve që vijnë edhe në dimensionin e shkrimtarit:
https://koscs.org/sq/buletini-i-kolegjit-te-kirurgeve-te-kosoves-volumi-1-numri-1/