Puna e Kolegjit do të udhëheqet dhe organizohet përmes 13 komiteteve, gjersa komitete tjera do të shtohen sipas nevojave dhe me rritjen e Kolegjit.
Kryetar: Dr. Berat Kerolli – Neurokirurg
Anëtarët:
Misioni:
Komitetit për Diversitetin ka për mision që të studiojë nevojat arsimore dhe profesionale të kirurgëve të nënpërfaqësuar dhe ndikimin që puna e këtij Komiteti mund të ketë në eliminimin e pabarazive shëndetësore midis grupeve të ndryshme të popullsisë.
Rritja e diversitetit në sistemin shëndetësor çon në një kujdes cilësor i cili njihet nga pacientët dhe bën që individët të ndjehen të vlerësuar, duke çuar në rënie të lodhjes/burnout dhe lejon zhvillimin e talentit të fuqisë punëtore. Rrjedhimisht qëllimet e Komitetit për Diversitet janë:
-Të ketë diversitet dhe përfshirje (inkluzion) në të gjitha fushat e Kolegjit të Kirurgëve të Kosovës;
-Të angazhoj anëtarët e Kolegjit që të punojnë për t’u siguruar që nevojat e tyre po adresohen brenda fuqisë punëtore, arsimit dhe kujdesit klinik;
-Të theksoj praktikat më të mira në kirurgji që adresojnë larminë e fuqisë punëtore, përfshirjen dhe pabarazitë në kujdesin shëndetësor.
Kryetar: Dr. Alban Olluri, Kirurg Maksillofacial
Anëtarët:
Misioni
Misioni i Komitetit për Kancer është që të përmirësoj gjasat e mbijetesës dhe cilësinë e jetës për pacientët me kancer, përmes vendosjes së standardeve që promovojnë parandalimin e kancerit, kërkimin, edukimin dhe monitorimin e kujdesit gjithëpërfshirës të cilësisë.
Komiteti synon që:
-Të vendos standarde për të siguruar ofrimin e kujdesit cilësor, multidisiplinar dhe gjithëpërfshirës për kancer në mjediset e kujdesit shëndetësor;
-Të kryej sondazhe në mjediset e kujdesit shëndetësor për të vlerësuar pajtueshmërinë me ato standarde;
-Të mbledh të dhëna të standardizuara nga mjediset e kujdesit shëndetësor për të matur cilësinë e kujdesit ndaj kancerit;
-Të përdor të dhëna për të monitoruar modelet dhe rezultatet e trajtimit si dhe për të rritur kontrollin e kancerit dhe aktivitetet e mbikëqyrjes klinike;
-Të zhvilloj ndërhyrje efektive arsimore për të përmirësuar parandalimin e kancerit, zbulimin e hershëm, ofrimin e kujdesit ndaj kancerit dhe rezultatet në mjediset e kujdesit shëndetësor.
Kryetar: Dr. Memli Morina, Gjinekolog dhe obstetër
Nënkryetare: Dr. Havushe Ramadani, Kirurge Plastike, Rekonstruktive dhe Estetike
Dy anëtarë: Dr. Skender Ukaj, Kirurg Ortoped, si dhe Dr. Art Deva, specializant, Neurokirurgji
Anëtarët:
Misioni:
Ky Komitet synon të përmirësoj cilësinë e kujdesit kirurgjikal geriatrik, duke krijuar një sistem që lejon një përputhje të mundshme mes nevojave individuale kirurgjikale të çdo të moshuari dhe një mjedisi të kujdesit që ka burime optimale për pacientët që i nënshtrohen operacionit.
Komiteti do të punoj në ndërtimin e disa standardeve që do të përmirësojnë në mënyrë sistematike kujdesin kirurgjikal për të moshuarit. Këto standarde përfshijnë:
-Përmirësimin e komunikimit me pacientët para procedurave kirurgjikale për t’u përqëndruar në rezultatet që kanë më shumë rëndësi për pacientin;
-Hulumtimin (screening) për vështirësitë e pacientëve geriatrikë;
-Menaxhim më të mirë të ilaçeve;
-Sigurimin e dhomave më të përshtatshme për pacientët geriatrik;
-Sigurimin e personelit të duhur.
Kryetar: Hysni Jashari, Kirurg Pediatrik
Nënkryetare: Jehona Ukshini, Kirurge Plastike, Rekonstruktive dhe Estetike
Një anëtare: Talat Gjinolli, Neurokirurg
Anëtarët:
Misioni:
Ky Komitet ka për mision që të identifikojë çështjet e politikave publike dhe shqetësimet që prekin kirurgët dhe pacientët tanë;
-Të prioritizoj ato çështje dhe shqetësime, të identifikoj ato mbi të cilat Kolegji i Kirurgëve të Kosovës (KKK) duhet të përqendrojë vëmendjen dhe burimet e tij;
– Të zhvillojë plane veprimi për adresimin e këtyre çështjeve, duke përfshirë rekomandimin e pozicioneve dhe iniciativave që Kolegji duhet të miratojë;
-Si dhe të zhvillojë dhe mirëmbajë mekanizmat me të cilat çështjet legjislative dhe rregullatore mund të adresohen në mënyrë efektive;
-Të filloj programin e akreditimit për disiplina të ndryshme kirurgjikale si trauma, kanceri, kirurgjia vaskulare dhe programe të tjera për Ministrinë e Shëndetësisë;
-Të ndërtoj programet dhe kapacitetet e avokimit për të përfaqësuar Kolegjin në agjensitë qeveritare dhe në bashkëpunimet ndërkombëtare.
Kryetar: Dr. Antigona Hasani, Anesteziologe
Nënkryetar: Dr. Astrit Hamza, Kirurg Abdominal
Anëtarët:
Misioni:
Komiteti për Studentët e Mjekësisë në Kirurgji ka për qëllim të promovoj dhe të mbështes grupet që kanë interes për kirurgjinë në shkolla të ndryshme mjekësore;
-Të siguroj informacione dhe udhëzime të dobishme për studentët e mjekësisë të interesuar në karrierën kirurgjikale;
-Të lehtësoj përfshirjen e studentëve të mjekësisë në aktivitetet arsimore të Kolegjit të Kirurgëve të Kosovës (KKK);
-Të adresoj në mënyrë gjithëpërfshirëse nevojat arsimore në kirurgji për studentët e mjekësisë;
-Të vendos në dispozicion një spektër të programeve dhe materialeve inovative arsimore për studentët e mjekësisë.
Kryetar: Dr. Rexhep Gjyliqi, Anesteziolog
Nënkryetar: Dr. Zgjim Berisha, Kirurg Abdominal
Një anëtare:Dr. Leminot Salihu, Kirurg Maksillofacial
Anëtarët:
Misioni:
Misioni i këtij Komiteti është që të rris cilësinë e kujdesit ndaj pacientit kirurgjik dhe sigurinë e tij në të gjitha disiplinat kirurgjike, duke krijuar programe të Cilësisë së Avancuar dhe Sigurisë së Pacientit. Kjo do të bëhet përmes zbatimit të katër parimeve udhëheqëse që janë të domosdoshme për të matur përmirësimin e kujdesit dhe sigurisë:
Kryetar: Dr. Destan Kryeziu, Kirurg Urolog
Anëtarët:
Misioni:
Misioni i Komitetit për Teknologji të Avancuar dhe Teknologji të Informacionit është të përmirësojë kujdesin për pacientët kirurgjikal, duke identifikuar dhe ndjekur në mënyrë aktive risitë, duke vlerësuar potencialin kirurgjik të këtyre risive, si dhe duke promovuar adoptimin e sigurtë dhe efektiv të tyre.
-Poashtu ka për qëllim të iu përgjigjet këtyre teknologjive të reja kirurgjikale duke vlerësuar përshtatshmërinë e tyre;
-Të ndërtojë procese arsimore për arritjen, ruajtjen dhe verifikimin e aftësive në këto teknologji;
-Të nxis lidhjet/bashkëpunimet me shoqëritë, organet çertifikuese dhe organizatat e përfshira në këto teknologji të reja.
Kryetar: Dr. Shqiptar Demaçi, Kirurg Torakal
Nënkryetare: Dr. Antigona Hasani, Anesteziologe
Një anëtar: Dr. Baton Kelmendi, Kirurg Pediatrik
Anëtarët:
Misioni:
Misioni i Komitetit të Traumës është të zhvillojë dhe zbatojë programe që mbështesin parandalimin e lëndimeve dhe sigurojnë rezultate optimale të pacientëve në vazhdimësinë e kujdesit. Këto programe përfshijnë avokimin, edukimin, qendrën e traumës, krijimin e praktikave më të mira, vlerësimin e rezultateve dhe përmirësimin e vazhdueshëm të cilësisë.
Kryetar: Dr. Hajriz Rudari, Drejtor i Klinikës së Kirurgjisë Vaskulare
Anëtarët:
Misioni:
Misioni i këtij Komiteti është që të shërbejë në një rol këshillues për të ndjekur mundësitë për të grumbulluar burime jashtëshkollore për programe edukative inovative;
-Të sigurojë koordinim për spektrin e programeve arsimore të Kolegjit të Kirurgëve të Kosovës (KCS);
-Si dhe të mbështes trajnimin e avancuar në arsimin kirurgjik.
Kryetare: Dr. Dafina Mahmutaj, Kirurge Abdominale
Nënkryetare: Dr. Lulzim Vokrri, Kirurg Vaskular
Një anëtar: Dr. Dafina Bytyqi, Ortopede dhe Traumatologe
Anëtarët:
Misioni:
Misioni i Komitetit të Hulumtimeve Kirurgjike është të ndërtojë një qendër kërkimore klinike në Kosovë me kapacitete njerëzore akademike dhe hulumtuese për disiplinat kirurgjikale dhe më gjerë;
Të botoj “Kosova Journal of Surgery” si pjesë të Hulumtimit Kirurgjik me qëllimin që brenda 5-7 viteve të ardhshme të citohet në PubMed dhe motorët e tjerë kërkues.
Kryetare: Dr. Sanije Abazi, Kirurge Plastike, Rekonstruktive dhe Estetike
Nënkryetar: Dr. Defrim Koçinaj, Kirurg Pediatrik
Një anëtar: Dr. Granit Abdullahu, Kirurg Torakal
Anëtarët:
Misioni:
Misioni i Komitetit të Etikës dhe Çështjeve të Disiplinës është që të siguroj mjetet për diskutim dhe përgatitje të çështjeve etike të cilat mund t’i trajtojë Kolegji i Kirurgëve të Kosovës.
Kryetar: Dr. Agon Mekaj, Neurokirurg
Nënkryetar: Dr. Naser Syla, Mjek Emergjent
Një anëtar: Dr. Shefazim Hulaj, ORL
Anëtarët:
Misioni:
Misioni i Komitetit të Kirurgjisë Emergjente është të sigurojë kujdes cilësor të lartë, efiçient dhe në kohë ndaj pacientit në kushte urgjente kirurgjikale, dhe njëkohësisht të edukoj studentët dhe specializantët e mjekësisë.
Kryetar: Dr. Vlora Ibishi, gjinekologe dhe obstetër
Anëtarët:
Misioni:
Misioni i këtij Komiteti është të adresojë çështjet e arsimit të specializantëve në kirurgji, duke përfshirë mjedisin arsimor, karakteristikat e grupit të specializantëve, çështjet kurrikulare të arsimit në disiplinat kirurgjike dhe çështjet e kompetencave. Qëllimet e Komitetit për Specializime janë:
-Të adresoj në mënyrë gjithëpërfshirëse nevojat arsimore të specializantëve kirurgjikal dhe studentëve nga të gjithë disiplinat kirurgjikale;
-Të mbështes përpjekjet arsimore për të lehtësuar kalimin nga shkolla mjekësore në trajnimin e specializimit dhe nga trajnimi në praktikë.
-Të luajë një rol kryesor në hartimin dhe zbatimin e programeve të reja dhe inovative arsimore për të adresuar kompetencat e përgjithshme në programet e specializimit;
-Të vendos në dispozicion një spektër të programeve dhe materialeve arsimore inovative për specializantët e kirurgjisë;
-Të siguroj mjedis efektiv edukativ të specializimit për të siguruar përvojat më të mira edukative për specializantët dhe studentët, si dhe rezultate optimale edukative;
-Të ofroj fellowship dhe kurse në edukimin kirurgjikal për specializantët dhe studentët;
-Të ndihmoj programet e specializimit për të përmbushur kërkesat aktuale dhe të ardhshme të akreditimit;
-Të zbatoj programet arsimore për të adresuar nevojat arsimore dhe administrative të drejtorëve të programeve të specializimit, në bashkëpunim me organizatat përkatëse të drejtorëve të programeve;
-Të koordinoj aktivitetet arsimore me organizata të ndryshme të drejtorëve të programeve kombëtare për të arritur qëllimet e përbashkëta dhe rezultatet optimale;
-Të monitoroj rezultatet e programeve specifike arsimore.
Anëtar Nderi i Kryesisë: Prof. Dr. Sadri Bajraktari- Kirurg i Përgjithshëm dhe Vaskular
Kryetare: Dr. Dile Rrusta- Kirurge Plastike, Rekonstruktive dhe Estetike
Nënkryetar : Dr. Hevzi Ademaj- Kirurg Pediatrik
Anëtare e Kryesisë: Dr. Zana Kutllovci- Gjinekologe dhe Obstetër
Anëtarët:
Misioni:
Komiteti për Specializantë ka për qëllim të adresojë të gjitha çështjet me interes për shkollimin specialistik dhe mirëqenien e mjekëve gjatë specializimit. Në veçanti, të gjenden forma dhe mënyra të avansuara të arritjes së njohurive teorike dhe praktike të nevojshme për t’u bërë specialist me kompetenca të plota. Përmes Kolegjit të Kirurgëve të Kosovës do të organizohen kurse e seminare të edukimit edhe përmes formave të simulimit laboratorik, duke pasur për bazë përvojat dhe resurset e Kolegjit Amerikan të Kirurgëve.
Kryetar: Dr. Bedri Osmani, Kirurg Torakal
Nënkryetare: Dr. Dafina Ademi Islami, Onkologe
Anëtar i Kryesisë: Dr. Shqiptar Demaçi, Kirurg Torakal
Anëtarët:
Misioni:
Ky komitetet do të organizohet me ekspertë të lëmive të ndryshme dhe do të trajtojë të gjitha aspektet e menaxhimit të kancerit të gjirit, duke formuluar kriteret dhe standardet e të gjitha fazave të trajtimit prej edukimit, skriningut, mjekimit operator dhe onkologjik, përcjelljes, grumbullimit dhe analizimit të të dhënave, rehabilitimit, kujdesit paliativ dhe deri te kujdesi psikosocial;
-Do të përcaktojë standardet e Qendrës së gjirit dhe standardet e ekspertizës profesionale të stafit;
-Do të organizojë simpoziume, seminare dhe punëtori profesionale, si dhe do të avokojë për arritjen e standardeve të duhura dhe mbështetjen e grupit të pacientëve dhe familjarëve të tyre me këtë sëmundje;
-Do të shqyrtojë edhe aspektet tjera të sëmundjeve të gjirit.
Kryetare: Dr. Mire Hoxha Shoshi -Oftalmologe
Nënkryetare: Dr. Violeta Zatriqi- Kirurge Plastike, Rekonstruktive dhe Estetike
Anëtare e Kryesisë: Dr. Harieta Zherka Saraçini – Kirurge vaskulare
Anëtare e Kryesisë: Dr. Eliza Kastrati- Kirurge torakale
Anëtarët:
Misioni:
Përmes këtij Komiteti, gratë dhe vajzat specialiste dhe specializante do të fuqizojnë rolin e tyre të rëndësishëm në kujdesin kirurgjik të pacientëve;
-Do të kërkohen dhe gjenden format më të mira që grate të jenë mirë të përfaqësuara edhe në profesionet e kirurgjisë, si dhe ne lidershipin institucional dhe akademik;
-Do të punohet edhe për shkrimin e historikut të grave në kirurgji, si dhe rregullisht do të promovojë të arriturat e grave në profesion dhe shkencë;
-Do të ketë në fokus edhe mirëqenien e grave, si dhe do të jetë zë i fuqishëm kundër diskriminimit, ngacmimit dhe bullizmit ne vend të punës, në KCS dhe në shoqëri në përgjithësi.
Kryetar: Dr. Vesel Skenderi, Kirurg Abdominal dhe Laparoskopist
Nënkryetar: Dr. Valon Zejnullahu, Kirurg Abdominal dhe Endo-Laparoskopist
Anëtare e Kryesisë: Dr. Brikene Dacaj Elshani, Gjinekologe dhe Obstetre
Anëtarët:
Misioni:
Duke marrë parasysh trendin e vazhdueshëm të zhvillimit të kirurgjisë minimale invazive ky komitet do të angazhohet që kjo fushë e kirurgjisë të avansohet sa më shumë.
Do të organizohen forma të ndryshme të trajnimit dhe edukimit si për specializantët ashtu edhe për specialistët, duke aplikuar format e avansuara të edukimit simulativ dhe të realitetit virtual;
-Do të hartojë kriteret dhe standardet e ekspertizës profesionale dhe edukimit të strukturuar, të mentoruar dhe mbikqyrur, duke u bazuar në praktikat e mira amerikane dhe europiane;
-Theks të vecantë do t’i kushtohet sigurisë së pacientit.
Kryetar: Dr. Xhemil Bytyqi, Urolog
Anëtarët:
Misioni:
Mirëqenia e kirurgëve dhe profesionistëve tjerë që merren me trajtimin dhe kujdesin e pacientëve është në korrelacion të drejtë me rezultatet e mjekimit. Komiteti do të adresojë shkaqet që ndikojnë në mirëqenien e profesionistëve në kujdesin kirurgjik si në aspektin shoqëror dhe ekonomik, ashtu edhe në shëndetin fizik dhe mendor. Është e njohur botërisht se sindromi i djegies (burnout) po bëhet kërcënim serioz për shendetin e kirurgëve dhe profesionistëve tjerë. Komiteti do të avokojë për kushte optimale të profesionistëve për punë dhe jetë, për shpërblim të merituar të punës së tyre. Komiteti do të organizojë edhe aktivitete të ndryshme në sport, art, muzikë dhe fusha tjera ku do të shpërfaqen edhe vlerat tjera të kirurgëve.
Kryetare: Lumnije Kqiku-Biblekaj, MD, DDS, Ph.D.
Misioni:
Populli dhe vendi ynë dallohet me një diasporë të madhe dhe të fuqishme në të gjitha sferat e shëndetësisë, kryesisht në Europën Perëndimore dhe SHBA. E veçanta e diasporës sonë është se ndonëse është në lartësi të mjekësisë bashkëkohore ka një lidhje të fuqishme me atdheun, një gatishmëri shumë të lartë për të ndihmuar dhe kontribuar në përparimin e shkencës dhe ekspertizës për kujdesin shëndetësor të popullatës në atdhe. Përmes këtij Komiteti do arrihet një bashkëpunim dhe kordinim i ndihmës që mund të jape diaspora për atdheun, duke krijuar një platformë që do të lehtësojë kontributin e secilit ne kohën, vendin dhe mënyrën më mirë.
Misioni:
KCS synon që për cdo vit të organizojë Kongresin Klinik, në të cilin do të paraqiten rezultatet e të arriturave profesionale dhe shkencore nga shkencëtarët vendorë dhe ndërkombëtarë.
Do të ketë ligjërata të emërtuara, sipas vendimit të Bordit Drejtues të KCS. Do të inaugurohen anëtarët e rinj dhe do të ndahen cmimet e KCS. Ky komitet ka Komitetin Shkencor dhe Organizativ dhe merret me të gjitha aspektet e organizmiit dhe mbarëvajtjes së Kongresit.
Kryesuesit dhe anëtarët e këtij Komiteti zgjidhen nga Kryesia e KCS dhe kanë mandate deri në përfundim të Kongresit.
Kryetar: Kryetari i KCS, Prof. Dr. Rifat Latifi,
Nënkryetar: Drejtori Ekzekutiv i KCS, Dr. Sadik Llullaku
Anëtarë:
Dr. Belinda Pustina – Oftalmologe
Dr. Alban Rushiti – Kirurg Pediatrik
Dr. Blerim Berisha – Telemjekësi;
Dr. Fatlume Arifaj – Mjekësia Emergjente
Misioni:
Komiteti për Anëtarësi i KCS do të shërbejë si rrugë komunikimi ndërmjet Udhëheqësisë së KCS-së dhe anëtarëve të saj. Anëtarët e Komitetit do të identifikojnë dhe adresojnë nevojat e ndryshme profesionale të anëtarëve të KCS-së, në përputhje me vlerat e KCS-së si shtëpi profesionale për kirurgji me qëllim të rritjes dhe angazhimit të anëtarëve të saj për të transformuar dhe përmirësuar disiplinat e kirurgjisë në Kosovë.
Komiteti do të jetë përgjegjës për:
-Rritjen e numrit të anëtarëve të KCS-së dhe të sigurohet që anëtarë të KCS të jenë të gjithë kirurgët aktiv (përfshirë ata në institucionet akademike dhe spitalet publike, si dhe ata të praktikës private) në të gjithë vendin, specializantët e çdo lëmie kirurgjike dhe studentët e mjekësisë, që do të ndjekin kirurgjinë në të ardhmen;
– Kënaqësinë e anëtarëve;
-Rekomandimin e Strategjive në dobi të KCS dhe anëtarëve të saj.
