Dr. Sadik Llullaku në RTK flet për kursin mbi Edukimin Bazik të Specializantëve dhe punën e Kolegjit të Kirurgëve të Kosovës
Drejtori Ekzekutiv i Kolegjit të Kirurgëve të Kosovës, Dr. Sadik Llullaku, në një intervistë në Radio Televizionin e Kosovës, ka prezantuar fillimin e kursit mbi Edukimin Bazik të Specializantëve të Kirurgjisë – Faza 1, i cili është dizajnuar sipas modelit të Kolegjit Amerikan të Kirurgëve, (ACS/APDS Surgery Resident Skills Curriculum), dhe është pjesë e një kurrikule me tre faza, si dhe ka folur për aktivitetet kryesore e KKK-së.
Dr. Llullaku tha se Faza 1 – Edukimi Bazik është krijuar për t’u mësuar specializantëve 16 aftësi thelbësore kirurgjikale në fazat e hershme të trajnimit të tyre, duke filluar nga parimet e asepsis dhe lidhjes së nyjeve, deri te aftësitë bazë laparoskopike dhe anastomozat.
Sipas Dr. Llullakut, secili nga 16 modulet do të udhëhiqet nga një specialist (i cili do të shërbejë njwkohwsisht edhe si mentor) dhe një specializant. Kursi do të vazhdojë të mbahet çdo dy javë, deri në fund të muajit Qershor 2023.
Ndërkaq, në këtë intervistë, Dr. Llullaku ka prezantuar edhe punën dhe angazhimet e Kolegjit të Kirurgëve të Kosovës, po ashtu edhe kontributin e vazhdueshëm që ka dhënë dhe po vazhdon të japë Kryetari i KKK-së, Prof. Dr. Rifat Latifi.
Më poshtë, linku i intervistës: