Fillojnë aktivitetin Komitetet Profesionale të Kolegjit të Kirurgëve të Kosovës

Kolegji i Kirurgëve të Kosovës, nën udhëheqjen e Drejtorit Ekzekutiv, Dr. Sadik Llullaku, ka filluar me shumë produktivitet edhe punën e Komiteteve Profesionale, duke organizuar pesë takime të komiteteve.

Komiteti për Politika Shëndetësore dhe Avokim, në takimin e mbajtur më 12 janar 2023, ka diskutuar për organizimin e tre tryezave profesionale: Qasja, Cilësia dhe Financimi, gjithashtu edhe përgatitjen e një dokumenti gjithëpërfshirës se si e shohim Shëndetësinë në Kosovë, si dhe për tema të përgjithshme mbi Legjislacionin dhe udhëzimet administrative dhe Ligjin Nr. 04/L-202.

Komiteti për Kirurgjinë e Gjirit, ka mbajtur takimin e tij më 17 janar 2023, dhe ka diskutuar për trajtimin e Sëmundjeve të Gjirit, rëndësinë e bashkëpunimit për trajtim multidisiplinar nga paraqitja e pacientit te mjeku familjar e deri te trajtimi përfundimtar (në veçanti, trajtimin e Kancerit të Gjirit), si dhe propozimet për formulimin e Protokollit të Trajtimit, ku u vendos që deri në fund të Qershorit të merren hapa për të specifikuar krijimin e protokolleve të Sëmundjeve të Gjirit.

Komiteti për Kirurgjinë e Traumës në takimin e mbajtur më 24 Janar, 2023 diskutoi mbi organizimin dhe specifikat e Simpoziumit I: “Damage control resuscitation and damage control surgery in polytrauma”. Ky Komitet planifikon që metodën për menaxhimin e menjëhershëm të pacienteve të lënduar, me qasje sistematike dhe koncize, ATLS, ta sjellë në Kosovë përmes Kolegjit të Kirurgëve të Kosovës, përkatësisht me ndihmën e Kryetarit të saj, Prof. Dr. Rifat Latifit.

Komiteti për Etikë dhe Çështje të Disiplinës, në takimin e mbajtur më 26 Janar 2023, ka diskutuar për mënyrën e funksionimit të këtij Komiteti. Anëtarët e Komitetit do të kenë mundësi të bëhen pjesë e Komitetit Gjyqësor të Kolegjit të Kirurgëve të Kosovës, dhe për rastet të cilat merren me temat e Etikës, Kolegji i ka dhënë autorizimin këtij Komiteti që të shqyrtojë ato raste para se të dërgohen në Bord për vendimmarrje.

Komiteti për Kirurgjinë Endoskopike, Laparoskopike, dhe Robotike, është takuar më 31 Janar 2023, ku ka formuar Kryesinë e këtij Komiteti, si dhe u vendos që puna e tij të bëhet në dy drejtime: Nivelin e dijes, dhe planifikim për Trajnime të avancuara për specialistët që merren me Laparoskopi Klinike.

Komitetet Profesionale të Kolegjit të Kirurgëve të Kosovës të funksionalizuara deri më tani:

1. Komiteti për Diversitet (Kryetar: Dr. Berat Kerolli);
2. Komiteti për Kancer (Kryetar: Dr. Alban Olluri);
3. Komiteti për Kirurgjinë Geriatrike (Kryetar: Dr. Memli Morina; Nënkryetare: Dr. Havushe Ramadani);
4. Komiteti për Politikat Shëndetësore dhe Avokim (Kryetar: Dr. Hysni Jashari);
5. Komiteti për Studentët e Mjekësisë në Kirurgji (Shefat e katedrave ose të deleguarit e tyre nga katedra) – (Kryetare: Dr. Antigona Hasani; Nënkryetar: Dr. Astrit Hamza);
6. Komiteti për Kualitet dhe Siguri të Pacientit (Kryetar: Dr. Rexhep Gjyliqi);
7. Komiteti për Teknologjitë e Avancuara dhe Teknologjitë e Informacionit (Kryetar: Dr. Destan Kryeziu);
8. Komiteti për Kirurgjinë e Traumës (Kryetar: Dr. Shqiptar Demaçi; Nënkryetare: Dr. Antigona Hasani);
9. Komiteti për Edukim të Vazhdueshëm (Drejtorët e Klinikave Kirurgjike) – (Kryetar: Dr. Hajriz Rudari);
10. Komiteti për Hulumtime Kirurgjike (Kryetare: Dr. Dafina Mahmutaj; Nënkryetar: Dr. Lulzim Vokrri);
11. Komiteti për Etikë dhe çështje të Disiplinës (Kryetare: Dr. Sanije Abazi; Nënkryetar: Dr. Dëfrim Koçinaj);
12. Komiteti për Kirurgjinë Emergjente
13. Komiteti për Specializime (Kryetare: Dr. Vlora Ibishi);
14. Komiteti i Grave Specialiste të Kirurgjisë (Kryetare: Dr. Mire Hoxha Shoshi; Nënkryetare: Dr. Violeta Zatriqi);
15. Komiteti për Mirëqenie të Kirurgëve (Kryetar: Dr. Aziz Mustafa);
16. Komiteti për Kirurgjinë e Gjirit (Kryetar: Dr. Bedri Osmani; Nënkryetar: Dr. Shqiptar Demaçi);
17. Komiteti i Specializantëve të Kolegjit të Kirurgëve të Kosovës (Kryetar: Dr. Dile Rrusta; Nënkryetar: Dr. Hevzi Ademaj);
18. Komiteti për Kirurgji Endoskopike, Laparaskopike dhe Robotike (Kryetar: Dr. Vesel Skenderi; Nënkryetar: Dr. Valon Zejnullahu).

Foto nga takimet dhe aktivitetet e Komiteteve: