Ftesë për sponzorizim dhe ekspozim të Kongresit të Dytë Klinik të Kolegjit të Kirurgëve të Kosovës në bashkorganizim me OMK
Të nderuar,
Dëshirojmë të ju njoftojmë se Kolegji i Kirurgëve te Kosovës në bashkorganizim me Odën e Mjekëve të Kosovës do të mbajë Kongresin e Dytë Klinik, më 15- 18 Shtator 2022, në Hotel Emerald, në Prishtinë.
Ky është edicioni i dytë i Kongresit i cili mundëson një platformë rrjetëzimi për të gjitha kompanitë që ofrojnë shërbime, produkte dhe paisje mjekësore në fushën e kirurgjisë, agjencitë qeveritare, donatorët dhe të gjithë akterët relevant të komunitetit mjekësor.
Kompanitë do të shfaqin produktet dhe shërbimet e tyre në Zonën Industriale të Kongresit dhe gjithashtu do të mbahen edhe Sesione të Punëtorive lidhur me produktet e ekspozuara gjatë panairit.
Ky Kongres është multidisiplinar dhe përfshin 13 lëmi kirurgjikë, anestezionin dhe mjekësinë emergjente. Kësisoj, përfshin audiencë të gjerë duke u mundësuar të ekspozoni thuajse të gjitha produktet dhe shërbimet tuaja.
Ekspertë ndërkombëtarë dhe vendorë do të prezantojnë në Kongres punimet dhe ligjëratat e tyre mbi të arriturat e fundit në lëminë e praktikës dhe shkencës kirurgjike. Në këtë aktivitet pritet të jenë deri në 650 pjesëmarrës.
Prandaj, shfrytëzojmë rastin të ju ftojmë të paraqitni ofertën e juaj për sponzorizim gjatë Kongresit.
Përfitimet e pjesëmarrjes në këtë aktiviteti përfshijnë rritjen e vetëdijes për rëndësinë dhe vlerën e shërbimit apo produktit tuaj, ngritjen e imazhit të kompanisë tuaj dhe rrjetëzimin me komunitetin mjekësor në përgjithësi.
Shënim: Do të ketë vetëm një (1) sponzor Platinum, deri në tre (3) sponzor të Artë, dhe deri në tre (3) sponzorë të Argjentë, të cilët do të përzgjidhen sipas ofertës më të lartë.
Përveç ofertës për sponzorizim, kompanitë mund të shfaqin produktet dhe shërbimet e tyre në Zonën Industriale.
Për më shumë na kontaktoni në këto e-mail adresa: [email protected], [email protected]
Ndërkaq, në këtë udhërrëfyes për mënyrat e bashkëpunimit mund të informoheni më shumë rreth mundësive të sponzorizimit: https://koscs.org/?r3d=udherrefyes-per-menyrat-e-bashkepunimit