Kosova Journal of Surgery (KJS) zyrtarisht me numër ISSN

Me shumë krenari ju njoftojmë se revista shkencore e Kolegjit të Kirurgëve të Kosovës, ‘Kosova Journal of Surgery’, është pajisur me Numrin Serial Standard Ndërkombëtar (ISSN), për të dyja formatet e publikimit: print dhe elektronik.

---

Përderisa regjistrimi zyrtar në ISSN ishte me shumë rëndësi për kredibilitetin dhe qasshmërinë në Revistën tonë, kjo arritje e madhe u mundësua përmes përpjekjeve të zellshme të ekipit tonë redaktues, nën udhëheqjen dhe kontributin kyç të Kryeredaktorit, Prof. Dr. Rifat Latifi.

Për më tepër, kjo është arritje unike edhe në nivel vendi, pasiqë KJS është e vetmja revistë shkencore në fushën e mjekësisë (dhe jo vetëm) në Kosovë që tashmë është e regjistruar në ISSN.

Tani e tutje, ky numër ISSN do të identifikojë revistën tonë ‘Kosova Journal of Surgery’ dhe do të shfaqet në çdo material të publikuar në kuadër të saj.

Ky është vetëm fillimi i rrugëtimit për ta çuar ‘Kosova Journal of Surgery’ dhe bashkë me të edhe publikimet shkencore kirurgjike të ekspertëve tanë drejt vendit të merituar në nivel global.

Lajmet e mira nga Kolegji i Kirurgëve të Kosovës dhe revista ‘Kosova Journal of Surgery’ nuk do të ndalen këtu!