Kosova mori pjesë për herë të parë në Kongresit Klinik i Kolegjit Amerikan të Kirurgëve përmes KCS
17 Tetor, 2022
Me shumë krenari po ju njoftojmë se sivjet për herë të parë Kosova përmes Kolegjit të Kirurgëve të Kosovës mori pjesë si e barabartë me shtetet tjera në Kongresin e Kolegjit Amerikan të Kirurgëve, dhe po përfaqësohet nga Kryetari i saj, Prof. Dr. Rifat Latifi.
Gjatë ceremonisë së hapjes, që është mbajtur në San Diego, Kaliforni, e cila është ngjarje impozante me porosinë qëndrore “Të shërojmë të gjithë, me aftësi dhe besim” është bërë edhe pranimi i 2355 kirurgëve, si anëtarë të rinj në ACS.
Jemi tejet të nderuar që Kolegji i Kirurgëve të Kosovës është pjesë e kësaj ngjarjeje madhështore, duke qenë se Kongresi i rregullt vjetor i ACS-së është ngjarja më e rëndësishme e organizatës lidere në botë në fushën e kirurgjisë. Kolegji Amerikan i Kirurgëve është themeluar në vitin 1913, gjersa ka udhëhequr rrugën dhe ka vendosur standardet për kujdesin cilësor të pacientëve në spitalet dhe praktikat kirurgjikale në mbarë botën.
Motoja e Kongresit të sivjetëm është “Kirurgët Mbjellin Shpresën”, dhe me këtë rast Kongresi Klinik po ofron mundësi të jashtëzakonshme arsimore për çdo fazë të karrierës së kirurgëve – të gjitha në një vend:
– Ligjërata nga ekspertë të shquar botërorë,
– Prezantime të procedurave dhe kërkimeve novatore, dhe
– Rrjetëzim mes kolegëve nga e gjithë bota, ku fitohen njohuri dhe aftësi klinike dhe jo-klinike që mund të zbatohen menjëherë në praktikë.
Ceremoninë e Hapjes së Kongresit Klinik të ACS-së mund ta shikoni përmes këtij linku: