Prezantimi i Volumit 6, Nr. 1, të ‘Kosova Journal of Surgery
![Prezantimi i Volumit 6, Nr. 1, të ‘Kosova Journal of Surgery](https://koscs.org/wp-content/uploads/2022/01/Screen-Shot-2022-01-11-at-4.17.21-PM-1-788x1024.png)
26 Shkurt, 2022
Jemi tejet të gëzuar që dje, me 25 Shkurt, prezantuam numrin më të ri të revistës tonë shkencore ‘Kosova Journal of Surgery’, me ç’rast nën udhëheqjen e Kryeredaktorit të revistës dhe Kryetarit të Kolegjit të Kirurgëve të Kosovës, Prof. Rifat Latifi, u mbajt tryeza e rrumbullakët me titullin:
“Shkencat kirurgjike të Kosovës – Gjendja e tanishme dhe drejtimi tutje”.
Rëndësia e kësaj ngjarjeje u pasurua nga paneli që prezantoi vlerësime mbi produktivitetin e hulumtimit përgjatë dy dekadave të fundit dhe rrugën që na pret, ndërtimin e kapaciteteve hulumtuese dhe zbutjen e pabarazive në hulumtim, mundësitë që sektori privat ka për të ndihmuar universitetet publike të rindërtojnë kapacitetet hulumtuese, përdorimin e shkencave paraklinike për të ndihmuar rritjen e hulumtimeve prej klinicistëve, si dhe ndërtimin e kapaciteteve hulumtuese kosovare tek shkencëtaret femra përmes bashkëpunimit ndërkombëtar.
Gjithashtu, Kolegji i Kirurgëve të Kosovës falënderon të gjithë të pranishmit tjerë që kontribuan me opinionet dhe pyetjet e tyre, gjersa shprehim mirënjohen e posaçme për Ambasadën e Zvicrës dhe kompaninë Solution D për përkrahjen që po i japin botimit të revistës tonë.
Këtu mund të klikoni për ta shfletuar numrin më të ri të revistës ‘Kosova Journal of Surgery’: