Avdyl S. Krasniqi, MD. PhD.

Avdyl S. Krasniqi, MD. PhD.,  Mjek, kirurg, doktor i shkencave dhe professor asoc. Lindi në Vranoc, të Pejës më 12 maj 1951. Shkollën fillore e kreu në Baran, ndërsa gjimnazin në Pejë. Diplomoi në Fakultetin e Mjekësisë në Prishtinë më 1976. Pas diplomimit punësohet mjek në Klinë dhe Dispanzer të Mjekësisë së Punës në Novobërdë. Specializimin e Kirurgjisë e përfundoi në Spitalin Universitar “Rebro” në  Zagreb më 1982. Njëkohësisht vijoi studimet pasdiplomatike. Më pas punoi kirurg në Repartin e Kirurgjisë Abdominale në Klinikën e Kirurgjisë të FMP. Në vitin 1990 punon kirurg dhe udhëheqës i Klinikës private “Poliklinika 1”, në Pejë. Gjatë qershor-gusht 1998 punoi si kirurg në Spitalin Fushor të Ushtrisë Clirimtare të Kosovës në Irzniq, Zona e Dukagjinit. Nga viti 2000, punoi si kirurg kosnultant në repartin e Kirurgjisë Abdominale në QKUK. Në kuadër të ngritjes profesionale më 1986 ka qëndruar në spitalin e Qendrës Kombëtare të Kancerit në Tokyo, Japoni në trajnim në Onkologjinë klinike. Më 1994 punoi në Repartin e Kirurgjisë Digjestive në Su. Gjenevë, Zvicërr. Nga dhjetori 1999 deri në Maj 2000 qëndron vëzhgues klinik në King’s College Hospital, Londër. Më pastaj, në vitin 2000 qëndron në Q.H Hospital, Londër. Në vitin 2001 mbrojti tezën e doktoratës me titull: “Aspektet bashkohore mbi procesin e shërimit të anastomozës së zorrës më vështrim të posaqëm në teknikën operative” me mentor, prof. Dr. Riza Bnishi. Anagazhohet në procesin mësimor në Katedrën e Kirurgjisë FMP, prej vitit 1985. Ka qenë prof asoc i lëndës së Kirurgjisë. Ka publikuar më shumë se 40 punime shkencore dhe profesionale. Ka qenë pjesë e aktiviteteve shoqërore dhe politike. Gjatë viteve 1991-1993 zgjidhet Anëtar i Këshillit të Lidhjes Demokratike të Kosovës, pastaj edhe Këshilltar i Kryemnistrit, Anëtar i Delegacionit Shtetëror i Republikës se Shqipërisë në disa mbledhje të Organizatës për Siguri dhe Bashkpunim në Evropë-Helsinki, Vienë, Kospenhagën. Gjithashtu ishte anëtar i delegacionit shtetëror i Republikës së Shqipërisë në Konferencën mbi ish-Jugosllavinë.

Registration

Forgotten Password?