KONKURS PËR VEND PUNE

‘Kosova Journal of Surgery’ Revista shkencore që botohet nga Kolegji i Kirurgëve të Kosovës shpall konkurs për pozitën (me orar të pjesshëm):

Redaktor Asistent

Kush jemi ne?

Kolegji i Kirurgëve të Kosovës është themeluar si organizatë shkencore dhe avokuese për të udhëhequr avancimin në disiplinat kirurgjike në Kosovë. Si një asociacion shkencor dhe edukativ jofitimprurës, Kolegji u themelua në 2018 për të përmirësuar cilësinë e përkujdesit për pacientin kirurgjik, duke vendosur standardet më të larta të edukimit dhe praktikës kirurgjike.

‘Kosova Journal of Surgery’ (KJS) është Revista zyrtare shkencore e Kolegjit të Kirurgëve të Kosovës që botohet në gjuhën angleze dhe përmban artikuj nga kirurgjia klinike dhe eksperimentale, përshkrime të teknikave moderne operative (“How I Do It”), artikuj rishikues, dhe raporte të shkurtra.

Revista është e hapur për të gjithë studiuesit dhe shkencëtarët nga e gjithë bota, dhe botohet me Qasje të Hapur.

Përgjegjësitë dhe Detyrat:

• Ndihmon kryeredaktorin në caktimin dhe drejtimin e aktiviteteve të bordit redaktues dhe recensentëve.
• Fton recensentë të bashkohen në projekt.
• Monitoron punën e recensentëve.
• Njofton rreth vendimit përfundimtar të marrë për artikullin.
• Monitoron komentet e recensentëve në një artikull.
• Përqendrohet në rritjen e cilësisë së artikujve të pranuar, pjesërisht duke siguruar që secili dorëshkrim është kontrolluar para se të dërgohet për recensim nga kolegët.
• Merr pjesë në planifikimin afatshkurtër dhe afatgjatë.
• Redakton (proofreads) materialin e përcaktuar  për botim, kontrollon kopertinat dhe burimet e fotografive të  përcaktuara për botim
• Siguron publikimin në kohë të numrave.
• Shkruan dhe redakton përmbajtje për webfaqen e revistës dhe mediat sociale.

Kualifikimet e kërkuara:

• Njohje e shkëlqyeshme e gjuhës angleze – në të shkruar dhe të folur.
• Preferohet diplomë në gazetari, komunikim ose në një fushë të specializuar që është e rëndësishme për botimin e revistës.
• Preferohet diplomë në një disiplinë përkatëse shkencore ose klinike.
• Preferohet të ketë të paktën dy vjet përvojë redaktuese përkatëse. (Por jo e domosdoshme)
• Ka interesime të gjera shkencore.
• Aftësi për të menduar në mënyrë kritike për një gamë të gjerë çështjesh shkencore dhe klinike.
• Aftësi të forta komunikimi.
• Aftësi për të punuar me sukses si në mënyrë të pavarur ashtu edhe në një ekip të larmishëm.
• Aftësi të shkëlqyera ndërpersonale dhe rrjetëzimi.
• Të ketë interes në komunikimin dixhital dhe trendet e botimit.

Inkurajohen kandidatët e interesuar që plotësojnë kriteret e lartëcekura të aplikojnë duke dërguar Letrën e Motivimit dhe CV -në e tyre në: [email protected].

Preferohet që në CV të jenë të shënuara të paktën dy referenca (detajet kontaktuese të personave referent).

Në pjesën e Subjektit, ju lutemi specifikoni pozitën për të cilën aplikoni me “Asistent-Redaktor”.

Kandidatët e suksesshëm do të ftohen për intervistë.