Lumnije Kqiku MD, DDS, Ph.D., Nënkryetare e Kolegjit të Kirurgëve të Kosovës për Evropë, ka diplomuar në Fakultetin e Mjekësisë, Dega Stomatologji, në Universitetin e Prishtinës. Ajo ka nostrifikuar diplomën e saj në Universitetin e Mjekësisë në Graz (Austri), për të përfunduar doktoraturën në vitin 2004.
Dr. Kqiku është Ligjëruese e Lartë / Akademike dhe Udhëheqëse e Klinikës Speciale të Endodoncionit dhe Traumatologjisë Dentare në Klinikën Universitare Dentare të Gracit, si dhe Prodekane per Studimet e doktoraturës ne seksionin e Stomatologjisë si dhe koordinatore per CEEPUS (Central European Exchange Program for University Studies).
Ajo është Ligjëruese e lartë/ Akademike për studentët e Mjekësisë së Përgjithshme, Stomatologjisë dhe studimeve postdiplomike. Ajo është Specialiste e çertifikuar në fushën e Endodoncionit dhe Traumatologjisë Dentare nga Universiteti i Prishtinës, Kosovë, dhe nga Universiteti Mjekësor i Gracit, Austri.
Pozicionet e mëparshme akademike (kërkuese & shkencore) përfshijnë Fakultetin e Stomatologjisë në Universitetin e Zagrebit (2007) dhe Universitetin Mjekësor të Tübingen, Gjermani/ Prof.C. Löst, Kryetare e Kaluar e Shoqatës Evropiane të Endodontologjisë (2010). Që nga viti 2018 mban postin akademik të Univ. Doz. Dr.med.dent në Universitetin Mjekësor të Gracit, Austri.
Dr. Kqiku është mishërimi i endodontes dhe traumatologes akademike, një studiuese e zjarrtë dhe ligjëruese endodontike me interesa ndërkombëtare dhe globale. Interesat e saj klinike dhe kërkimore janë trauma komplekse dentare, endodontika moderne dhe stomatologjia e përgjithshme.
Është autore dhe bashkautore e punimeve të shumta profesionale dhe shkencore, peer-revieewed, në këto fusha. Ajo është gruaja e parë nga Kosova dhe Shqipëria që në vitin 2011 hyri në librin enciklopedik më prestigjioz në botë “Who’s Who in the World”, libër që boton biografitë e njerëzve që shquhen për arritjet dhe karrierat e tyre të jashtëzakonshme.
Dr. Kqiku ka marrë shumë çmime kërkimore dhe është ftuar në shumë vende ku ka mbajtur leksione të shumta “keynote” dhe ka shërbyer si eksperte e endodontikës dhe traumatologjisë dentare. Ajo është anëtare e shumë shoqatave dentare vendore dhe ndërkombëtare, si dhe recensuese dhe shërben në bordet editoriale të shumë revistave shkencore ndërkombëtare me sistemin peer-review.
Gjithashtu, ajo është nënkryetare e Traumatologjisë Dentare Austriake, Nënkryetare e Kolegjit të Kirurgëve të Kosovës për Evropë, Kryetare e Komitetit për Marrëdhënie Ndërkombëtare të Kolegjit të Kirurgëve të Kosovës, si dhe anëtare e Bordit Ndërkombëtar të revistës shkencore Kosova Journal of Surgery.
Në prill të vitit 2023, Dr. Kqiku është nderuar me Çmimin “Personalitet Nderi me medalje të artë” nga Qyteti i Graz-it të Austrisë.